الرئيسية / مطبخ ماما نور / مطبخ ماما نور | السؤال الذي حير البشرية..إيه الفرق مابين البيكنج صودا والبيكنج باودر؟

مطبخ ماما نور | السؤال الذي حير البشرية..إيه الفرق مابين البيكنج صودا والبيكنج باودر؟

السؤال الذي حير البشرية أو على الأقل البشرية اللي بتدخل المطبخ عشان تطبخ مش عشان تشرب من التلاجة و تخرج بسرعة


ايه هو الفرق بين البيكنج صودا و البيكنج باودر؟ و هل هما بدائل لبعض؟ السؤال الذي حير البشرية أو على الأقل البشرية اللي بتدخل المطبخ عشان تطبخ مش عشان تشرب من التلاجة و تخرج بسرعة
ايه هو الفرق بين البيكنج صودا و البيكنج باودر؟ و هل هما بدائل لبعض؟
ما تتخيلوش بجد تقريبا لازم اسمع السؤال ده أسبوعيا
و عشان كده قررت اكتب الإجابة في بوست بأبسط طريقة ممكنة

أول حاجة لازم نعرفها ان هما الاتنين مواد رافعة بيعملوا تفاعل كيميائي نتيجته غاز ثاني أكسيد الكربون و ده بيخلي الأكلة هشة و منفوخة (كلام كيمياء كبير معلش)

بس في فرق ….

الباكينج صودا (الاسم العلمي بيكربونات الصوديوم ) دي مادة قلوية بتحتاج قصادها حاجة حمضية عشان تشتغل
و عشان كده دايما هتلاقوا الوصفات اللي فيها بيكنج صودا فيها لبن رايب، أو زبادي، أو سكر بني، أو عسل اسود ..الخ اي حاجة فيها اساس حمضي عشان يتفاعلوا سوا (حاجة مززززززة)

طيب هل ده معناه مثلا اننا كل ما نزود البيكنج صودا هتكون الوصفة منفوخة كده واحلى ؟
نووووو نيفير،،،، بالعكس لو زودتوا طعم البيكنج صودا هيظهر و يقلب لكم الوصفة بطعم مر زي المعدن كده (حاجة ياااااع)

خدوها قاعدة ان كل كوب دقيق في الوصفة بيحتاج ربع معلقة بيكنج صودا و بس ، سيبكم بأه من كمية المادة الحمضية قد ايه ، ركزوا مع الدقيق تكسبوا. (قاعدة 1)

طيب البيكنج باودر ايه نظامه ان شاء الله ؟
و ياللصاعقة اكتشفت ان البيكنج باودر ما هو الا بيكنج صودا و شوية حاجات فوق بعضيها(ملح، تارتار كريم، نشا)

الحاجات اللي فوق بعضيها دي مهمتها حاجتين
تشغل البيكنج باودر من غير ما يكون في الوصفة مكون حمضي
و تخلي البيكنج باودر ثنائي التفاعل (يوووووه رجعنا للكلام الكبير)

هفهمكم بالعربي : يعني البيكنج باودر بالصلاة على النبي بيشتغل على مرحلتين متتاليتين
الاولانية لما نضيف المكونات السايلة علي المكونات الجافة
و التانية لما يتسخنوا (نحدفهم في الفرن يعني)

و لو بدأنا المرحلة الاولى لازم تكون وراها المرحلة التانية على طول و الا البيكنج باودر هتعمل فشششششش و ما يكونلهاش لازمة بعد كده

القاعدة هنا بأه ان كل كوب دقيق له معلقة صغيرة بيكنج باودر (قاعدة 2)

طيب هينفع بأه نبدلهم في الوصفة ببعض؟
لسه بتسألوا ! تصدقوا كده ازعل
اطلعوا اقروا تاني، خصوصا قاعدة 1 و 2 ، و لو لسه مش عارفين إجابة السؤال خلوني اقولكم حاجة بسيطة
بناء على القاعدتين 1 و 22 صعب جدا يكون البيكنج صودا بديل للبيكنج باودر ، لأن لو هنطبق القاعدة صح و نحط لكل كوب دقيق معلقة بيكنج صودا طعم الأكلة هيكون تماما

و العكس بردو لأن البيكنج باودر لو اتحط منه ربع معلقة بس لكل كوب دقيق مش هيكون له نفس مفعول الصودا

?

ما تنسوش شير و منشن لاصحابكم و الأهم تعملوا لايك و فولو للبيدج ??

برعاية بيدج : ماما نور

عن admin

شاهد أيضاً

معلومانت مطبخية

مرتبط

%d مدونون معجبون بهذه: